BREURIEZH AR

C'HANT ODE-MENEZ

("Confrérie des Cent Cols")

Reolennadur

Kraf 1:

Evit mont e-barzh "Breuriezh ar C'hant Ode-Menez" eo ret bezañ treuzet war varc'h-houarn kant ode-menez disheñvel da nebeutañ.

Kraf 2:

Ne vo dalc'het kont nemet eus an odeoù-menez dezho un anv ofisiel:

- meneget war gartennoù (Michelin, IGN(*) pe seurt-se en estrenvro) embannet goude 1900;

- diskouezhet fraezh gant panelloù-hent.

Kraf 3:

N'eus ket a uhelder bihanañ rekis, koulskoude eo dav menegiñ, e pep kantad, pemp treuzadenn da nebeutañ, dezho 2000 metrad uhelder pe ouzhpenn.(**)

Kraf 4:

Ar c'hrec'hioù ne gontont ket.

Kraf 5:

Ne vo ket gwiriekaet diskleriadurioù danvez-izili "Breuriezh ar C'hant Ode-Menez". Fiziañs omp en onestiz sportel tud a glask o flijadur dezho o-unuan en ur vont war varc'h-houarn dre hentoù meneziek.

Kraf 6:

Bep bloaz, etre ar 1-añ a viz Here ag ar 1-añ a viz C'hwevrer, o do ar sikloerien da gas:

- er bloavezh kentañ: listenn an odeoù-menez disheñvel bet treuzet ganto abaoe deroù o fleustrerezh (da nebeutañ kant, 5 anezho 2000 m pe vuioc'h);

- er bloavezhioù da-heul: listenn an odeoù nevez bet treuzet e-kerzh ar bloaz.

Kraf 7:

Testeniekaet e vo al listennoù-mañ gant Komite "Breuriezh ar C'hant Ode-Menez".

Kraf 8:

Gant ar skodenn-emezelañ 75 Lur gall pe 12 euro (cheñchus) e vo kaset da bep ezel nevez:

- e ziplom "Kant Ode-Menez" niverennet ha personalizet;

- medalenn ar vreuriezh;

- kelaouenn vloaz ar vreuriezh;

- ar gazetennig bloaz "Infos Cent Cols".

Er bloavezhioù da-heul: ar skodenn 50 Lur gall pe 12 euro (cheñchus) a roio gwir da resev ar galaouenn vloaz, ar gazetennig bloaz "Infos Cent Cols" ha da gaout e anv war daolenn a-enor ar vreuriezh.

Kraf 9:

Bep bloaz, d'ar 15 a viz Eost diouzh boaz, e vez aozet un emgav etrebroadel bras war lein un ode-menez nevez pe unan brudet.

Kraf 10:

E-barzh "Fédération Française de Cyclotourisme" emañ ar vreuriezh, dindan an niverenn 6384. Gouest eo eta da sevel ul lisañs federalat enni un asurañs o reiñ galloud da vouezhiañ da geñver he emvod meur.

Kraf 11:

Pep ezel a ro testeni war e enor e vo doujet gantañ d'ar reolennadur. Engouestl a vo diwar gasadenn al listenn gentañ.

Kraf 12:

Kas al lizhiri, al listennadoù odeoù-menez hag ar skodennoù da:

Club des "Cent Cols"

796 route de la Tire

FR - 74410 SAINT-JORIOZ

(Frañs)

Pellgomz: +33 (0)4 50 68 57 49

Pelleiler: +33 (0)4 50 68 64 32

e-mail: henry.dusseau@wanadoo.fr

Notennoù:

* IGN = "Institut Géographique National" ** 1 metrad = 3.28 troatad  <=>  2000 m = 6561.68 tr  <=>  1 tr = 0,3 m

Testenn vrezhonek

Troet gant Jorj Abherve-Gwegen, Kemper, Breizh

Esperantujo