CRIDA ENTA UN CONTRASOMIU EUROPEU A BIARRITZ
LO 13 E 14 D’OCTOBRE DE 2000
Qu'ei entà organizar e coordinar las activitats qui daran ua expression a aqueras aspiracions, tot en respectar la diversitat deus uns e deus autes, que s'ei apitat un collectiu entau Contrasomiu de Biàrritz dab
Abertzaleen Batasuna, AC! Pays Basque, ATTAC Pays Basque, ATTAC 64, Coordination des Comités de soutien aux prisonniers Basques, CROC (Corrent Revolucinari OCcitan), Eraikizan, DAL Pays Basque, Haika, L.A.B, LCR Pays Basque, SUD PTT 64.
|
Lo somiu deus caps d’Estat e de govèrns de Niça qu’a l’ambicion de tractar de la question institucionau e de la question sociau en Euròpa. L’aplec de Biàrritz deus 13 e 14 d’octobre qu’ei lo somiu “ preparatòri de l’ordi deu dia de Niça ”. |
| Mentre qui’s debanèn los medishs somius, que sia a Amsterdam, Colonha, Lisboa, mobilizacions avón lòc contra aquera Euròpa qui’s basteish en voler desvolopar a tot hòrt un liberalisme qui’s trufa beròi deus besonhs fondamentaus de las populacions. La nosta mobilizacion entau contrasomiu de Biàrritz qu’ei d’aqueth ordi entà sostiéner que |
|
Lo monde n’ei pas ua mercanderia e l’Euròpa tanpòc. |
|
Qu’exigim que’s bastesca ua Euròpa vertadèrament sociau. |
|
L’Euròpa qui’s basteish uei, qu’ei l’Euròpa de la dereglamentacion, de la revision deus aquesits sociaus, de la privacion deus servicis publics e de la subordinacion deus criteris sociaus aus deu mercat. |
|
L’Euròpa sociau qui volem qu’ei ua Euròpa |
|
- shens desemplec, licenciaments, precaritat, e flexibilitat. - qui guarantesca ua ua proteccion sociau vertadèra e generalizada. - dab servicis publics qui s’encarguen de las exigencias sociaus de la populacion(santat, educacion, lotjament, aiga, energia, transpòrt…) - qui guarantesca ua sotada decenta entà tots. |
| Qu’exigim ua Euròpa respectuosa deu mitan naturau |
|
La catastròfe de l’Erika, la directiva euròpea de suspension deu moratòri sus las culturas OGM, la preséncia de milhòc OGM hens varietats convencionaus importadas deus EU e semiadas capvath noste qu’ensenhan, s’ac calè enquèra, quinas deterioracions deu demiei naturau e pateish l'Euròpa. |
| Qu’exigim que l’Euròpa e sia : |
|
- respectuosa deu dret de precaucion de cap aus OGM, a las importacions alimentàrias, a la mercandejarisacion deu viven. - desliurada deu productivisme qui destruseish lo miei naturau (carrei, agricultura, energia, etc…). Que cau que s’entinoe un debat public sus las nòrmas pertocant lo miei naturau e particularament sus la diversificacion e l’orientacion de la produccion energetica . - dab un agergament deu territòri qui n’ahortesca pas mei lo desvolopament inegau(zònas ruraus desertificadas, suberpopulacion urbanas). |
|
Qu'exigim ua Euròpa respectuosa deus drets fondamentaus de la persona umana e de las libertats collectivas |
|
A l'òra de la mondializacion, tot que pòt circular librament.....sonque los estes umans. L'Euròpa non respecta pas lo dret d'asil. Dens mantuas enterpresas las libertats sindicaus son maumetudas. En França enquestas parlementàrias qu'an aperat l'atencion sus condicions carceraus indignas.Las mobilizacions en Bascoat entaus presonèrs bascos qu'an amuishat la volontat politica de'us esbarrisclats luènh de las lors familhas. |
| Que demandam: |
|
- l'amelhoracion de las condicions carceraus e lo rapressament deus presonèrs de las lors familhas; - la regularizacion deus shenspapèrs; - lo dret de vòte taus immigrats; - libertats sindicaus estenudas - l'aplicacion de las leis contra lo racisme e lo sexisme. |
|
Qu'exigim ua Euròpa democratica, ua Euròpa deus pòbles. |
|
Los pòbles d'Euròpa qu'an dret au desvolopament de la lor cultura minorizada, e tanben a ua oficializacion de la lor lenga. La refòrma de las institucions euròpeas qu'ei uei lo dia debatuda dens ua Union Euròpea qui dinc adara e s'ei tròp bastida shens s'avisar de la pausicion deus pòbles, shens consultar'us sistematicament. Entà nosautes l'Euròpa que deu estar au servici deus poblants. Los pòbles qu'an dret de dispausar d'eths medishs e de causir lo lor aviéner com ac entenden. Que son eths e non pas sonque los caps de govèrns qui deven decidir democraticament deus ligams que vòlen entre eths au nivèu euròpeu. |
|
Qu'exigim ua Euròpa solidària deus pòbles deus païs praubes. |
|
Uei, la riquessa deus 200 individús mei rics de la planeta qu' equivau a çò qui possedeishen 2 miliards d'estes umans; l a misèria que s'esplandeish non solament au Sud e a l'Est mes tanben dens los païs rics. Cada païs qu'a lo dret de causir lo mòde de desvolopament qui'u convien e d'estar sostiengut dens aqueth dret. Entà redusir las inegalitats qu'exigim: - de suprimir lo deute deus païs deu Tèrç Mond. - la creacion de la taxa Tobin e la supression deus paradís fiscaus. - la transparéncia e lo conta-ròtle ciutadan de las organizacions mondiaus (OMC,FMI etc...) - d'obrir l'Union Euròpea aus païs qui vòlen aderir'i librament entà non pas aver ua Euròpa dab desvolopaments inegaus. - lo dret a ua medecina e a ua educacion a gratis entà tots. |
Prumèrs signataris:
AC! National, APEIS, ATTAC 64, CDDHPB, C.E.S.P.R.I.M.E.R. Pays Basque, CFDT Banques, DAL National, ELB, Gauche Socialiste République Sociale, Gestoras Pro Amnistia, Herri Topa, LCR, Les Marches Européennes, M.E.I, MNCP, les VERT, SUD PTT National.
|
| Arcuelh | Crida | Ligams | Calendari |